राष्ट्रिय परिचयपत्रको लागि विवरण दर्ता अभियान सम्वन्धी अन्तरक्रिया तथा समन्वय कार्यक्रम सम्पन्न
२०७८-११-०५
२०७८-११-०५
राष्ट्रिय परिचयपत्र तथा पञ्जिकरण विभागको स्विकृत कार्यक्रम अनुसार यस जिल्लामा संचालन हुने राष्ट्रिय परिचयपत्र विवरण संकलन अभियान संचालनका लागि राष्ट्रिय परिचयपत्र तथा पञ्जिकरण विभागका महानिर्देशक तीर्थराज भट्टराइको उपस्थितिमा मिति २०७८ फागुन ५ गते जिल्ला प्रशासन कार्यालयमा अन्तरक्रिया तथा समन्वय कार्यक्रम सम्पन्न भएको छ ।
राष्ट्रिय परिचयपत्र तथा पञ्जिकरण विभागका निर्देशक ललित कुमार बस्नेतले उक्त कार्यक्रमको सहजीकरण गर्नुभएको थियो । जिल्ला प्रशासन कार्यालयको सभाहलमा भएको कार्यक्रममा मुसीकोट नगरपालिकाका प्रमुख देबीलाल गौतम, त्रिबेणी गाउँपालिका अध्यक्ष झक्कु प्रसाद घर्ती, बाँफिकोट गाउँपालिका अध्यक्ष धर्म बहादुर केसी, उपाध्यक्ष मनकला पुन, आठबीसकोट नगरपालिका उप प्रमुख गिता नेपाली, नगरपालिका तथा गाउँपालिकाका प्रमुख प्रशासकीय अधिकृत, पत्रकार, सुरक्षा निकायका प्रमुख लगायतको उपस्थिति रहेको थियोे ।